Sofje, 13 qershor - Bullgari më i pasur ka regjistruar përpara autoriteteve taksambledhëse të ardhurat për vitin e kaluar prej 6.7 milionë euro.

Ai është nga Sofja, kurse në TOP 3 hyjnë një banues i Plovdivit me 6 milionë euro dhe një banues i Varnës me mbi 5 milionë euro të ardhurat për të gjithë vitin 2011.

Të ardhurat e TOP 20 të bullgarëve më të pasur janë me një vlerë të përgjithshme 59 milionë euro. Kurse familja e bullgarëve të pasur është shtuar gjatë vitit të fundit me afro 30 milionerë të rinj.

“Nuk ka një profil tipik të milionerit – thotë zëdhënësi i Agjencisë kombëtare për të ardhurat, Rosen Bëçvarov në një intervistë të posaçme.

Më shpesh këta janë drejtues të kompanive personale, të cilët marrin shuma të caktuara parash si shpërblim – shpesh në përmasë të milionave. Ka njerëz, të cilët marrin honorarë të larta dhe të ardhura nga qiratë”.

Prijës në listën e Agjencisë kombëtare mbi të ardhurat në bazë të të ardhurave më të larta janë në një moshë aktive midis 40 dhe 50 vjeç.

Bullgarët e pasur kanë fituar nga shit-blerja e aksioneve dhe pjesëve të firmave, nga shërbime avokate, financiare dhe konsultative. Më shumë të ardhura janë të regjistruara në sferën e tregtisë.

“Bullgarët e pasur janë të përqendruar në Sofje, Plovdiv, Varna dhe Burgas”, vizaton vendet me më shumë milionerë Rosen Bëçvarov. Del se, qytetet e mëdha të rretheve janë dhe qendrat, ku zhvillohet më mirë biznesi te ne dhe respektivisht fitohet.