Prishtinë, 19 shtator - UNDP dhe Komuna e Shtërpces kanë hartuar një Pakt Territorial të Punësimit (PTP) i cili do të nënshkruhet zyrtarisht në një ceremoni rasti që do të mbahet sot në ndërtesën e Kuvendit Komunal në Shtërpce.

Pakti Territorial i Punësimit është hartuar në kuadër të Projektit “Përgjigja e nivelit lokal për krijimin e punësimit dhe zhvillimi i integruar territorial”, ku kanë kontribuar edhe akterë të tjerë relevantë në Komunë, nga sektori privat, zyra për punësim dhe shoqëria civile.

PTP ka për qëllim nxitjen e pjesëmarrjes në tregun e punës dhe përfshirjen sociale të individëve të cenueshëm që jetojnë në Komunën e Shtërpces permes një sërë veprimesh ku përfshihen edhe promovimi I ndëmarrësisë sociale, vendet e gjelbërta të punës, etj.

Në ngjarje do të marrin pjesë Z. Bratislav Nikolić, Kryetar i Komunës, Z. Andrew Russell, Përfqësues i Përhershëm i UNDP-së, zyrtarë të lartë të Agjensionit Austriak për Zhvillim (ADA) që njëkohësisht është edhe donator i projektit, si dhe përfitues, zyrtarë komunal dhe pale të tjera të interest.