Tiranë, 18 dhjetor - Qeveria shqiptare ka prezantuar projektbuxhetin e vitit 2014, ku përfshihen një sërë ligjesh dhe amendimesh për taksat vendore, si dhe ulje të taksave për biznesin e vogël.

Amendimet i janë paraqitur komisionit kuvendor të ligjeve, ku propozohet heqja e tatimit mbi biznesin e vogël si dhe ulje e normës së tatimit mbi fitimin për këto biznese.

Në bazë të ndryshimeve, bizneset e vogla me kosto nga 0 deri në 2 milion lekë (rreth 20 mijë dollarë) do të paguajnë një tatim të caktuar mbi fitimin, ndërsa norma e fitimit nga taksat për biznesin e vogël me qarkullim nga 2-8 milionë lekë do të rritet 7.5%, krahasuar me taksën e sheshtë prej 10 %.

Ndryshimet e ligjit synojnë forcimin e pavarësisë fiskale dhe administrative të qeverisjes vendore, çka nënkupton rritje të taksave për banesat dhe pronat e biznesit. Sipas zyrtarëve, propozimi për rritjen e taksës vjetore të qarkullimit do të sjellë një rritje të konsiderueshme të të ardhurave.