Tiaranë, 12 qershor - Banka Botërore ka publikuar Raportin e qershorit "Perspektiva Ekonomike Globale", ku për Shqipërinë parashikohet një rritje prej 2.1 për qind në vitin 2014, për t'u përshpejtuar më pas në 3.3 për qind në 2015 dhe 3.6 për qind në 2016.

Veçanërisht për Europën Juglindore (Shqipëria, Bullgaria, Bosnja dhe Hercegovina, Maqedonia, Mali i Zi, Serbia), ka rreziqe që do të ndikojnë në rritjen ekonomike, duke iu referuar përmbytjeve shkatërruese në Serbi dhe Bosnjë Herzegovine dhe në afatin e mesëm ndaj papunësisë ende të lartë, borxhin e lartë të sektorit publik dhe rimëkëmbjen e ngadaltë të huasë bankare dhe në disa raste rritjen e kredive me probleme.