Tiranë, 15 dhjetor - Qeveria shqiptare dhe Fondi Monetar Ndërkombëtar kanë rënë dakord në parim për një kredi që do të luhatet nga 300 deri në 400 milionë dollarë. 

Burime nga Ministria e Financave bëjnë të ditur se palët janë në minutat e fundit të negociatave dhe po përcaktojnë detajet e mbetura të kushteve që Qeveria duhet të përmbushë për të marrë financimin. Sipas të njëjtave burime, mësohet se marrëveshja e huasë pritet të bëhet zyrtarisht publike në ditët e para të javës së ardhshme nga përfaqësues të Ministrisë së Financave dhe përfaqësuesit e FMN-së.

Burime nga Ministria e Financave thanë se me shumë gjasa kredia do të lëvrohet në dy këste me nga 200 milionë dollarë secili në dy vitet e ardhshme dhe do të përdoret për shlyerjen e detyrimeve të prapambetura që shteti ka ndaj bizneseve. Buxheti do të diskutohet sot në Konferencën e Kryetarëve. (Shekulli)