Prishtinë, 10 shtator - Zëvendësministri i Ministrisë së Punës dhe Mirëqenies Sociale, z. Qazim Rrahmani, në bashkëpunim me Ambasadën e Emirateve të Bashkuara Arabe, sot kanë shpërndarë 200 pako me ndihma ushqimore për familjet nga radhët e komuniteteve ashkalinj, romë dhe egjiptas.

Zëvendësministri Rrahmani tha se këto ndihmat modeste janë shpërndarë nëpër lokalitetet ku jetojnë komunitetet RAE. “Kemi menduar që në prag të kësaj feste të solidarizohemi me këto familje, që sadopak t’ua bëjmë  festën më të lumtur dhe të mos ndihen të harruar. Ministria e Punës dhe Mirëqenies Sociale dhe Ambasada e Emirateve të Bashkuara Arabe, ka ndihmuar në prag festash komunitetet RAE edhe në të kaluarën”.

Zëvendësministri i Punës dhe Mirëqenies Sociale, z. Rrahmani, tha se kujdesi dhe vëmendja e MPMS-së në përmirësimin e mirëqenies sociale për komunitetet, në veçanti të familjeve në nevojë,  do të jetë preokupim i përhershëm.