Prishtinë, 4 qershor - Në kuadër të konkursit  “Ide Biznesi  - Të Gjelbërta dhe Inovative 2015” të organizuar për të tretën herë rradhazi nga FIQ, Komisioni pëzgjedhës, i përbërë nga ekspertë të fushave të ndryshme, ka përzgjedhur 3 idetë fituese të garës kombëtare.

Fituesit janë:

1.       Havushe Bajrami-Bunjaku – “99 Lule” – Prodhimi i çajrave dhe bimëve aromatike dhe mjekuese nga gratë kryefamiljare që vijnë nga familje me asistenë sociale dhe që jetojnë në viset malore në fshatrat rreth Liqenit të Badovcit.

2.       Rron Ceka – “formon” – Krijim inovativ i printerit 3D, ku në vend të plastikës klasike të rrezikshme dhe të dëmshme për ambientin, përdorë si lënd të parë plastikën biodegraduese e fituar nga përzierja e niseshtes së grurit dhe patates.

3.       Ymer Dullaj – “EkoFerma” - Krijimi i një modeli të suksesshëm për fermat në  gjithë Kosovën me qëllim kursimin e energjisë elektrike, mbrojtjen e ambientit dhe rritjen e të ardhurave nëpërmjet përdorimit të biogazit që prodhohet nga mbejtet e pulave, si energji alternative.

Të tre fituesit do të përfitojnë nga një start-up grant në vlerë prej 2,500€ nga Raiffeisen Bank Kosovo, si partnerë të FIQ-it në kuadër të këtij projekti. Gjithashtu, tre idetë fituese nën mbështetjen e Forumit për Iniciativa Qytetare do të vazhdojnë për në garën rajonale të organizuar nga Rockefeller Brothers Fund në Kosovë, në Korrik të këtij viti, ku do të konkurrojnë për 3 çmimet e para në rajon, që ndahen në vlerë prej 10,000 USD.

FIQ i uron fituesit, dhe do të angazhohet për të punuar edhe me finalistët tjerë në mënyrë që idetë e tyre ti vënë në zbatim duke sjellë një zhvillim ekonomik, social dhe mjedisor në vendin tonë