SHBA vazhdon ta ndihmojë Kosovën përmes USAID-it
Dokumenti përfshin një ndihmë të Qeverisë së SHBA, në vlerë prej 25 milionë dollarë, për të mbështetur aktivitetet e USAID në Kosovë, të orientuara në tri fusha: sundimi i ligjit dhe qeverisjes, aktivitetet për rritjen e investimeve dhe punësimin në sektorin privat, si dhe programet për përmirësimin e kapitalit njerëzor në Kosovë.
Fondet do të shfrytëzohen për aktivitete në mbështëtje të sundimit të ligjit dhe qeverisjes, shtimin e investimeve dhe punësimit në sektorin privat, dhe zhvillimin e kapitalit njerëzor në Kosovë.
Presidentja e Republikës së Kosovës, zonja Atifete Jahjaga e quajti shumë të rëndësishme përkrahjen e Qeverisë së SHBA-së nëpërmjet USAID-it, si një dëshmi për përkrahjen e vazhdueshme të SHBA për zhvillimin e Republikës së Kosovës në fushën e sundimit të ligjit dhe të ekonomisë.
“Mjaft është arritur. Por, punë me rëndësi na pret përpara për të arritur qëllimet tona. Specifikisht Kosova duhet të intensifikojë veprimet e veta në luftë kundër korrupcionit ashtu që largojë barierat që pengojnë zhvillimin ekonomik dhe përmirësoj besimin e qytetarëve në institutcionet demokratike", ka theksuar ambasadori Delawie.
