Washington, 16 tetor - Udhëheqësit demokratë dhe republikanë të Senatit amerikan, Harry Reid dhe Mitch McConnell, kanë rifilluar përpjekjet për një zgjidhje të pranueshme për rritjen e tavanit të borxhit dhe rihapjen e qeverisë federale.

Propozimi dypartiak i Senatit kërkon financimin e qeverisë federale deri më 15 janar dhe rritjen e tavanit të borxhit deri më 7 shkurt.

Negcoatat në Senat janë vënë në pritje të martën, për t’i dhënë Dhomës së Përfaqësuesve, të udhëhequr nga republikanët, shansin për të dalë me marrëveshje.

Por, kryetari i kësaj dhome, John Boehner, nuk ka arritur ta hedhë në votim një propozim të ndryshuar, për shkak të presionit nga anëtarët konservatorë të grupit Tea Party.