Washington, 4 janar - Presidenti i Shteteve të Bashkuara të Amerikës (SHBA) Barack Obama nënshkroi projektligjin mbi buxhetin e mbrojtjes për vitin 2013 me një vëllim prej më shumë se 633 miliardë dollarë.

Projektligji parashikon përdorimin e 527.5 miliardë dollarë si buxhet themelor të Pentagonit.

Ndërsa 88.5 miliardë dollarë të tjerë do të shpenzohen për operacionet ushtarake amerikane jashtë shtetit, veçanërisht në Afganistan.

Përveç kësaj, 17.4 miliardë dollarë do të përdoren për programet bërthamore të Ministrisë së Energjetikës të lidhura me sferën e mbrojtjes.

Si rezultat, buxheti pritet të miratohet në shumën totale 633.4 miliardë dollarë.