Beograd, 4 qershor - Krahas grumbullimit të kërkesave në institucionet serbe, në Qeverinë e Kosovës është Grupi i Punës për mospagesë të pensioneve dhe pritet që për këtë autoritete serbe të fillojnë dialogun.

Afati për dorëzimin kërkesave për pensione të papaguara ka skaduar e në Qeveri të Serbisë planifikojnë që deri më 23 gusht të konfirmohet sa pensionistë kanë të drejtë për pagesë pensioni, njofton RTS.

Në Qeverinë e Kosovës ka filluar një proces paralel i grumbullimit të kërkesave dhe të dokumentacionit për pensione të papaguara ndërsa nga Qeveria serbe theksohet se nuk janë vetëm pensionet për të cilat duhet të arrihet drejtësia.

Deri kohë më parë radhët për dorëzim kërkesash në Graçanicë kanë qenë të zakonshëm.

Shefi i shërbimit publik të qytetit Nikola Simiq thotë se janë dhënë rreth 2.300 vërtetime dhe vendime të sigurimit pensional e të letërnjoftimeve personale si dhe çeqe të tjera përcjellëse.

Në Qeverinë e Kosovës konsiderojnë se brenda disa muajsh mund të grumbullojnë dokumentacionin e të gjithëve që kanë të drejtë për pensionet e papaguara.

\"Pas kësaj, pala jonë në nivelin teknik do të jetë e gatshme të marrë pjesë në negociata, për shkak se mendoj se ky problem duhet të zgjidhte pasi vërtetë është evident”, ka thënë Nenda Rashiq, ministër për Punë e Çështje sociale në Kosovës.

Edhe në Beograd janë për dialog..

\"Ashtu siç është arritur e drejta për pensione, duhet të arrihet edhe e drejta për pjesëmarrje në privatizim dhe në ndarje të pasurisë së krijuar në Kosovë dhe kjo duhet të vlejë për të gjithë e jo vetëm për shqiptarët”, thotë drejtori i Zyrës për Kosovën në Qeverinë serbe, thotë Aleksandar Vulin

Deri në vitin 1999 në Kosovë ka pasur më shumë se 89.000 shfrytëzues pensionesh e pas vendosje së administratë së UNMIK-ut, 54 mijë persona kanë mbetur pa pagesë të pensionit nga Serbia.