Beograd 9 gusht - Serbia planifikon një rritje të konsiderueshme të eksportit për Rusinë – bëri të ditur Dhoma Tregtare-Industriale e Serbisë.

Synimet e Beogradit janë lidhur drejtpërsëdrejti me embargon e shpallur nga Rusia mbi importin e frutave, perimeve, mishit, peshkut dhe produkteve të tjera ushqimore nga vendet-anëtare të BE në përgjigje të sanksioneve kundër saj nga ana e BE dhe SHBA.

Serbia nuk është anëtare e BE dhe eksporti i produkteve për tregun rus nuk përbën shkelje të sanksioneve. Sipas të dhënave zyrtare, volumi i furnizimeve nga Serbia për në Rusi  gjatë gjysmës së parë të vitit 2014 është rritur me 68 % në krahasim me të njëjtën periudhë të vitit 2013, duke arritur në 117 mln dollarë.