Moskë, 25 prill - Duma e Rusisë ka kaluar në leximin e tretë dhe final ligjin, i cili ndalon zyrtarët qeveritarë të kenë llogari në bankat e huaja apo të zotërojnë aksione në kompanitë e huaja.

Ai nuk do të ndalojë zyrtarët që të kenë pasuri të patundshme në shtetet e huaja, por do të kërkojë nga ata që t’i deklarojnë ato prona dhe të ofrojnë informacione për burimin e parave, me të cilat i kanë blerë.

Masa anti-korrupsion duhet të kalojë në Këshillin e Federatës dhe të nësnhkruhet nga presidenti Vladimir Putin.

Ajo vjen pas disa skandaleve, në të cilat zyrtarët kanë dhënë dorëheqje për shkak të mosdeklarimit të aseteve të huaja.