Kiev, 18 shkurt - Ministri rus i Financave, Anton Siluanov, ka thënë se Moska do të dërgojë këtë javë këstin prej 2 miliardë dollarësh në Ukrainë.

Kjo do ta çojë në 5 miliardë dollarë shumën e bonove të Ukrainës që ka blerë Rusia.

Marrëveshja arrit  dhjetorin e kaluar ku Rusia bleu rreth 15 miliardë dollarë bono të Ukrainës, për të ndihmuar këtë vend që të dalë nga kriza e borxheve.

Rusia i ka ofruar ndihmë, pasi qeveria e Ukrainës ka refuzuar një marrëveshje të tregtisë dhe bashkëpunimi me Bashkimin Evropian.

Një hap i tillë ka shkaktuar protesta masive në Ukrainë.