Bukuresht, 10 janar - Nga data 1 janar 2016 hyri në fuqi ulja e TVSH-së në Rumani nga 24 më 20%. Ruhet norma prej 9% për produktet ushqimore, pijet jo alkoolike dhe ilaçet.

Nga 9 në 5% ulet TVSH-ja për librat, librat shkollore dhe revistat, biletat për kinema, teatër, opera, për muzetë dhe ngjarjet sportive. Përqindja e përgjithshme e TVSH-së u rrit nga 19 në 24% gjatë verës së vitit 2010 në kushtet e krizës së rëndë ekonomike, e cila e detyroi Rumaninë të kërkojë hua nga FMN, Bashkimi Evropian dhe Banka Botërore në përmasë të afro 20 miliardë eurove.