Berlin, 26 shkurt - Numri i të papunëve në Gjermani për muajin shkurt është rritur shumë më pak se sa pritej nga ekspertët.

Sipas Zyrës Federale për Punë, numri i të papunëve në krahasim me muajin janar është rritur me 26.000 në 3,64 milionë gjithsej.

Kjo flet për një rritje të kuotës me 0,1 për qind në 8,7 për qind. Në krahasim me muajin shkurt 2009 janë 91.000 njerëz më shumë pa vend pune.

Anëtari i kryesisë së Zyrës së Punës, Heinrich Alt deklaroi se pasojat e krizës ekonomike në tregun e punës mbeten të buta.