Paris, 13 gusht - Rritja ekonomike në Francë, përgjatë tremujorit të dytë pritet të jetë pozitive duke shënuar dalje nga recesioni, sipas shifrave zyrtare, që do të publikohen ditën e mërkurë.

Instituti Kombëtar i Statistikave dhe Studimeve Ekonomike (Insee), që pritet të publikojë ditën e mërkurë vlerësimin e tij për rritjen ekonomike përgjatë tremujorit të dytë, parashikonte në qershor, që Prodhimi i Brendshëm Bruto (PBB) do të rritej deri në 0,2 për qind, gjatë periudhës prill-qershor të këtij viti.

Franca përjetoi përgjatë dytremujorëve tkurrje të PBB-së në -0,2 për qind në fund të vitit 2012 dhe në fillim të 2013-ës, çka i korrespondon një recesioni.