Bruksel, 24 mars - Komisioni Europian raportoi në mars se besueshmëria konsumatore për Eurozonën u rrit ndjeshëm, në -3.7, niveli më i lartë qysh nga korriku i 2007-s, duke kaluar gjithashtu dhe parashikimin prej -6.0.

Shpenzimet konsumatore shihen si një element i rëndësishëm për të ndihmuar Eurozonën të kalojë periudhën e vështirë financiare në të cilën është përfshirë.

Sipas analistëve, arsyeja kryesore e rritjes së këtij indeksi është rënia e çmimeve të naftës dhe zbatimi në fillim të muajit i politikës së lehtësimit sasior (hedhja në treg e një sasie më të lartë parash nga Banka Qendrore Europiane për të luftuar deflacionin).