Prishtinë, 2 dhjetor - Rrjeti i Grupeve të Grave të Kosovës (RrGGK) përkrahë znj. Shyhrete Berisha që të ketë të drejtën e saj në pronësi dhe kërkon nga Gjykata kompetente të zbatoj Ligjin për Trashëgiminë i cili shumë qartë përcakton të drejtën e znj. Shyhrete për pronën që i takon me ligj.

Rrjetit i Grupeve të Grave të Kosovës (RRGGK) është të përkrahë, mbrojë dhe promovojë të drejtat dhe interesat e grave dhe vajzave anembanë Kosovës, pa marrë parasysh bindjet e tyre politike, religjionin, moshën, nivelin e arsimimit, orientimin seksual apo aftësitë e kufizuara.

RrGGK përmbush misionin e vet përmes këmbimit të përvojave dhe informatave, partneriteteve dhe rrjetëzimit, hulumtimeve, avokimit dhe ofrimit të shërbimeve.

Si Rrjet i 87 organizatave të grave nga të gjitha grupet etnike në tërë Kosovën, RrGGK avokon në emër të grave kosovare në nivel lokal, rajonal dhe ndërkombëtar.