Tiranë, 23 nëntor - Banka e Republikës së Shqipërisë (BSH) ka njoftuar se në fund të muajit shtator rezerva valutore shënoi 4.2 miliardë euro.

Sipas BSH-së, krahasuar me të njëjtën periudhë një vit më parë, vlera e rezervës valutore është rritur me 1.7 për qind.

“Stoku i rezervës valutore në fund fund të 3-mujorit të tretë 2021, vlerësohet i mjaftueshëm për mbulimin e 8.4 muajve import mallrash dhe shërbimesh”, bën të ditur BSH.

Teksa thekson se, vlera e rezervës valutore llogaritet për mbulimin e 300 % të borxhit të jashtëm afatshkurtër bruto.

Qëllimi kryesor i rezervës valutore është mbulimi i nevojave emergjente që mund të ketë ekonomia për valutë të huaj, apo për ruajtjen e stabilitetit të kursit të këmbimit, çmimeve dhe stabilitetit financiar.