Remitancat në Shqipëri ulen me 7.2 për qind
Për të gjithë 6-mujorin e parë të vitit, remitancat kishin vlerën e 282 milionë eurove, 7.2% më pak krahasuar me gjysmën e parë të vitit të kaluar.
Sipas ekspertëve bankar, në afatin e gjatë, remitancat kanë nisur një tendencë rënëse, fenomen ky i natyrshëm, që lidhet me shkëputjen graduale të lidhjeve mes emigrantëve që kanë ndërtuar jetën e tyre jashtë dhe Shqipërisë.
Ndërkohë një burim i rëndësishëm për ekonominë shqiptare, që po zëvendëson remitancat janë investimet e huaja direkte.
Ky tregues sipas Bankës së Shqipërise po konsolidon rritjen e qëndrueshme duke u bërë faktor kryesor në rritjen ekonomike të vendit.
