Bruksel, 30 prill - Zyra për Statistika e Bashkimit Evropian, Eurostat, ka bërë të ditur se papunësia në të 17 vendet që përdorin euron ka arritur në 12.1 për qind në muajin mars – me rreth 19.2 milionë njerëz të papunë.

Greqia mbetet vendi më i goditur, me 27.2 për qind papunësi. Ajo pasohet nga Spanja, ekonomia e katërt më e madhe e Eurozonës, me 26.7 për qind të njerëzve të papunë.

Shkalla më e ulët e papunësisë ka qenë në Austri, me 4.7 për qind, dhe në Gjermani, me 5.4 për qind.