Prishtinë 12 shtator  - Drejtori i përgjithshëm i Doganës së Kosovës, Lulzim Rafuna me ftesë të Doganës së Republikës së Kroacisë, ka vizituar Zagrebin, ku është pritur nga drejtori i përgjithshëm të Doganës së Kroacisë Zlatko Grabar. 

Rafuna gjatë takimit me drejtorin Grabar. ka prezantuar Doganën e Kosovës, organizimin dhe funksionet pas reformimit të Doganës. Gjithashtu drejtori i përgjithshëm theksoi se Dogana e Kosovës ka arritur një progres të theksuar në përpalljen me sfidat e kohës.

Nga ana tjetër edhe drejtori i Doganës kroate prezantoj doganën Kroate si dhe organizimin e saj pas aderimit në unionin evropian.

Rafuna e ka informuar homologun e tij lidhur me hapat që ka ndërmarr Dogana e Kosovës për anëtarësimin në OBD si dhe kërkojë përkrahje për anëtarësim në Organizatën Botërore të Doganës (OBD).

Gjithashtu temë tjetër e takimit ishte edhe shkëmbimi i përvojave në mes të dy organizatave tona.  Bashkëpunimi potencial në fushën e projekteve evropiane dhe themelimi i rrjetit regjional ku të dy doganat mund të përfitojnë projekte zhvillimore. Gjithashtu u diskutua edhe lidhur me bashkëpunimin në luftimin e trafikut ilegal përfshirë mallrat e ndaluara.