Madrid, 21 korrik - Niveli i papunësisë në Spanjë, më i larti në radhët e vendeve të industrializuara, pritet të jetë rreth 24,6 për qind në vitin 2012, shifër pak më e lartë se parasishikime e bëra për 24,3 për qind që u pulikuan fillimisht nga qeveria e Madridit, njoftoi sot kabineti i kryeministrit Rajoy.

Në vitin 2013, niveli i papunësisë parashikohet të ketë një ulje të lehtë deri në 24,3 për qind të popullsisë aktive për punë dhe të zbresë më pas në 23,3 për qind në vitin 2014, sipas parashikimeve të reja makro-ekonomike të bëra publike gjatë një konference me mediat në Ministrinë spanjolle të Buxhetit.