Prishtinë, 8 orill - Kryetari i Aleancës për Ardhmërinë e Kosovës (AAK), Ramush Haradinaj, vizitoi sot Odën Ekonomike Gjermane në Kosovë, ku u prit nga udhëheqës të këtij institucioni ekonomik, Drejtori Ekzekutiv Bardhyl Metaj, me bashkëpunëtorë.
 

Kryetari Haradinaj e vlerësoi lart punën e kësaj ode ekonomike, në sensibilizimin e investimeve gjermane në Kosovë dhe intensifikimin e bashkëpunimit ekonomik ndërmjet dy vendeve tona.

 
Kryetari Haradinaj kërkoi nga udhëheqësit e këtij insititucioni ekonomik që të ftojnë investitorë gjermanë në Kosovë, të krijojnë klimë sa më të favorshme të bashkëpunimit dhe investimit të tyre këtu.
 
Në takim u tha se Qeveria e Kosovës ka ndërtuar politika të gabuara në joshjen e investitorëve potencialë gjermanë në Kosovë, veçanërisht duke i mbajtuar ata larg investimeve këtu, me politikat e paqëlluara të taksave për investuesit e huaj.