Qeveria aprovon heqjen e taksave për Luginen e Preshevës
Kryeministri ka njoftuar kabinetin qeveritar për takimin me lidershipin e komunave të Preshevës, Medvegjës dhe Bujanovcit.dhe ka vlerësuar se takimi ka qenë jashtëzakonisht i mirë.
“Ne urojmë lidershipin e Preshevës, Medvegjës dhe Bujanocit që të vazhdojë ky dialogun me Qeverinë e Beogradit. Gjithmonë i kemi përkrahur dhe i mbështesim kërkesat legjitime, për afirmimin e të drejtave kombëtare, politike, demokratike të tyre."
"Në të njëjtën kohë, unë kam shqyrtuar kërkesën e lidershipit të shqiptarëve në Preshevë, Medvegjë dhe Bujanoc, që janë kresa edhe të qytetarëve atje, për heqjen e taksave për veturat në vendkalimet kufitare për qytetarët e Preshevës, Medvegjës dhe Bujanocit kur hyjnë në territorin e Kosovës. Këtë kompensim do ta bëjë Qeveria e Kosovës dhe ministria e Financave duhet të angazhohet që ta implementojë këtë vendim.
"Prandaj, ju ftoj sot që Qeveria e Kosovës të aprovojë vendimin për heqjen e taksave për veturat e qytetarëve të Preshevës, Medvegjës dhe Bujanovcit që hyjin në territorin e Republikës së Kosovës nga 21 tetori i këtij muaji” ka thënë kryeministri në fjalën e tij ndërsa kabineti qeveritar ka aprovuar vendimin për heqjen e taksave për veturat e qytetarëve të Preshëvës, Bujanovcit dhe Medvegjës që hyjnë në Kosovë” – theksoi kryeministri Thaçi.
Në hapje të mbledhjes, kryeministri Thaçi ka shprehur falënderimin për gjithë spektrin politik kosovar për fillimin e një fushate të qetë, korrekte, konstruktive, të standardeve perëndimore, me një pjesëmarrje aktive dhe dinamike të qytetarëve të vendit.
“Ajo që shihet në këto ditë të fushatës, është se të gjithë janë të zotuar për të punuar për komunën, sa më afër qytetarit, për të punuar edhe më tepër për të ardhmen evropiane të vendit, të standardeve perëndimore, për të punuar për një fushatë të mirëfilltë, për një fushatë me mesazhet më të mira të mundshme në interesin e të gjithë qytetarëve.
Shpresoj dhe besoj fuqishëm që kësaj radhe edhe në veri do të marrin pjesë edhe pjesëtarët e komunitetit serbë, për çka i ftoj që të angazhohen për pjesëmarrje në zgjedhje dhe integrimin e katër komunave në kornizën kushtetuese dhe ligjore të Kosovës, për të ushtruar autoritetin dhe sovranitetin në gjithë territorin e Republikës së Kosovës” ka thënë kryeministri Hashim Thaçi në hapje të mbledhjes së sotme” – theksoi Kryeministri Thaçi.
