Prishtinë, 14 prill - Fenomeni i pastrimit të parave të pista, që ka zënë fill në Kosovën e pasluftës, në veçanti në sektorin e ndërtimtarisë, në mungesë të sundimit të ligjit, është thelluar, ndërsa ka dyshime se është mbështetur edhe nga njerëzit e pushtetshëm.

Dhe, me qëllim të parandalimit të kësaj dukurie, në vitin 2010, Kuvendi i Kosovës e ka miratuar Ligjin kundër pastrimit të parave dhe financimit të terrorizmit.

Sipas analistëve të kësaj fushe, shpëlarja e parave ka të bëjë me përfitimin e pasurisë nga aktivitetet ilegale dhe përpjekjet që këto përfitime të vendosen në sistemet bankare, në mënyrë që të fshihet origjina e tyre, pasuri të cilave është e vështirë t’u gjendet origjina e krimit.

/Kosova Sot/