Prishtinë, 13 shkurt - Një nga kompanitë më të mëdha të shitjes së karburanteve në Kosovë, “Kosova Petrol”, duket se është zhytur në krizë financiare pasi punonjësit kanë një muaj pa marrë rrogat.

Përveç kësaj, në disa pika në kryeqytet të furnizimit me karburante të kësaj kompanie, mungojnë rezervat e benzinës dhe të naftës shkruan koha ditore.

“Kohë pas kohe i marrim nga 100 euro si kompensim për punën që bëjmë. Na është thënë që nëse ankohemi do të na largojnë nga puna”, ka thënë njëri nga punëtorët e kësaj kompanie.