Prishtinë, 13 maj - Më shumë se 230 punëtor të NBI “Suhareka”, të cilët sot në mëngjes do të tentojnë të rikthehen në vendet e tyre të punës.

Sipas një njoftimi për media, 232 punëtorët do të tentojnë të hyjnë në vendet e tyre të punës duke filluar nga ora 09:00. Ata thonë se NBI Suhareka është privatizuar në vitin 2006, sipas tyre përmes shumë manipulimeve dhe tashmë çdo gjë ka dështuar.

“Ne do kthehemi aty ku e meritojmë dhe ku kemi qenë ”, thuhet në njoftim.

Ndryshe, për tentimin e tyre që t’i rikthehen vendeve të punës është e njoftuar edhe Policia e Kosovës.