Prishtinë, 8 dhjetor - Shqyrtimi i Raportit me amendamente i Projektligjit për Buxhetin e Republikës së Kosovës për vitin 2016 ishte temë e mbledhjes së sotme të Komisionit për Buxhet dhe Financa, kryesuar nga Naser Osmani, kryetar i Komisionit.

Në mbledhje merrte pjesë edhe ministri i Financave, Avdullah Hoti. Pas shqyrtimit, Komisioni miratoi Raportin me amendamente të Projektligjit për Buxhetin e Republikës së Kosovës për vitin 2016 dhe njëherësh e procedoi Projektligjin tutje në seancë të Kuvendit.