Prishtinë, 19 korrik - Komisioni për Buxhet dhe Financa i Kuvendit të Republikës së Kosovës, në mbledhjen e sotme, të kryesuar nga Safete Hadërgjonaj, kryetare, ka shqyrtuar tri projektligje.

Komisioni shqyrtoi dhe përkrahu Projektligjin për ndryshimin dhe Plotësimin e Ligjit për Buxhetin e Republikës së Kosovës për vitin 2013, me amendamente, dhe i rekomandoi seancës miratimin e tij.

Në vazhdim, u përkrahën dy projektligje të tjera, me rekomandime të komisioneve funksionale: Projektligji për mbrojtjen e burimeve të gazetarisë dhe Projektligji për planifikim hapësinor, me vlerësimin se ato nuk përmbajnë implikime shtesë buxhetore.