Prishtinë,27 dhjetor - Ka përfunduar loja shpërblyese “Diaspora shpërblen” e organizuar nga VALA, e cila ka zgjatur që nga data 1 tetor deri me 26 dhjetor të këtij vitit.

 
VALA ka shpërblyer konsumatorët e vet që kanë pranuar më shumë thirrje telefonike nga diaspora.

 

Me 26 dhjetor, përveç tërheqjes së fundit javore është bërë edhe tërheqja mujore, ku janë tërhequr 3 numrat e fituesve fatlum, të cilët kanë fituar: një udhëtim jashtë vendit, 1 skuter dhe 1 veturë të tipit Golf 7.

 
Shpërndarja e dhuratave për përmbylljen e lojës shpërblyese ”Diaspora shperblen” do të bëhet gjatë një ceremonie të veçantë që do të organizohet në muajin janar të vitit të ardhshëm.  Me këtë rast do të shpërndahen 56 dhurata si: telefona të mençur, laptopë, fotoaparatë digjital, tableta Android, telefona të thjeshtë, telefona Android, HDD, etj., për 56 fituesit e tërheqjeve javore të organizuara me datat: 4,11,18 dhe 26 dhjetor.


Aty, përveç dhuratave te tërheqjeve javore do të shpërndahen edhe 3 çmimet kryesore mujore, pra, udhëtimi jashtë vendit, skuteri dhe Vetura Golf 7.

 
Fituesi fatlum i veturës Golf 7 është Valbon Haziri, student nga Prishtina.

 
VALA do të organizojë edhe lojëra të tjera dhe do të ketë risi të shumta për konsumatorët e saj gjatë vitit të ardhshëm.