Pensionistët të mashtruar nga Qeveria
Mungesa e buxhetit dhe nxjerrja e akteve nënligjore kanë qenë dy arsyet që ministri i Punës dhe i Mirëqenies Sociale, Arban Abrashi, u pati thënë anëtarëve të Komisionit Parlamentar për Shëndetësi, Punë dhe Mirëqenie Sociale, për moszbatim të këtij ligji.
Hartimi i akteve nënligjore, sipas përfaqësuesve të pensionistëve, ka përfunduar, ndërkohë që buxheti për zbatimin e Ligjit nuk është paraparë në Ligjin për rishikimin e buxhetit për këtë vit.
Kryetari i Lidhjes së Pensionisteve të Kosovës, Shaban Kajtazi, ka thënë se të hënën e javës së ardhshme kanë një takim me përfaqësues të Ministrisë së Punës dhe të Mirëqenies Sociale, ku sipas tij do të vendoset për procedimin e Udhëzimit Administrativ në Qeverinë e Kosovës.
Kajtazi ka thënë se buxheti për zbatim nuk është siguruar ende, por shpreson se ai do të sigurohet dhe Ligji do të nisë zbatimin.
/Koha Ditore/
