Prishtinë, 20 janar - Gjatë vitit 2012 në Kosovë mekanizmat e sigurisë kanë hetuar tetë raste të dyshuara për pastrim parash, dukuri kjo e cila vlerësohet të jetë mjaft e pranishme edhe në Kosovë.

Zyrtari për informim në Policinë e Kosovës, Brahim Sadriu, në një prononcim për Radion Evropa e Lirë tregon për numrin e rasteve që janë hetuar nga policia.

“Lidhur me këto tetë raste janë arrestuar shtatë persona dhe është ngritur kallëzim penal ndaj 14 personave të dyshuar të përfshirë në këto raste. Të gjitha këto raste janë kryer nga hetues të krimeve ekonomike dhe korrupsionit me autorizim të prokurorëve”, thotë Sadriu.