Pejë 22 dhjetor - Dogana e Kosovës, ka njoftuar se mbrëmë  në orët e vona në vendkalimin Kufitar Kullë ka arritur nga Mali i Zi një automjet i tipit Audi me ngjyrë të zezë me targa të Bosnjës, oficerët doganor e kanë ndalur për kontroll këtë automjet ku dhe janë gjetur një sasi e konsiderueshme e armëve.

Automjeti është selektuar për ekzaminim detal,  drejtuesi i automjetit ka deklaruar se nuk kishte asgjë pas pyetjes së oficerëve doganor. Gjate kontrollës së automjetit të ushtruar së bashku me Oficerët Policor, nën ulësen e prapme janë zbuluar 8 copë revole të ndryshme si dhe 350 fishek të kalibrave të ndryshëm. Gjithashtu është gjetur edhe shurdhues për arme (silenciator). Vazhdimi detal i kontrollit gjeti në derën e parme te shoferit edhe një revole tjetër, menjëherë pas zbulimit te këtyre armeve drejtuesi i automjeti është e është arrestuar nga ana e Policisë. Drejtuesi i automjeti ishte me prejardhje nga Bosnja por në posedim kishte edhe pasaportë të Serbisë.

Sasia e përgjithshme e kapur është 9 revole dhe 350 fishek ë kalibrave të ndryshëm. Rasti është dorëzuar Policisë Kufitare për zhvillimin e procedurës së mëtutjeshme.