Bruksel, 17 korrik - Papunësia pritet të arrijë një nivel rekord në zonën euro në fund të vitit 2014 me një përqindje mesatare prej 12.3 për qind, sipas një raporti të OECD-së të paraqitur sot.

Organizata për Bashkëpunim dhe Zhvillim Ekonomik theksoi \"dallimet e konsiderueshme mes vendeve\".

Papunësia pritet të arrijë deri në 28 për qind në Spanjë dhe në Greqi, ndërsa në Gjermani pritet të arrijë deri në 5 për qind.

Ndërsa në SHBA, përqindja e papunësisë pritet të zbresë nën 7 për qind në fund të vitit 2014.