Athinë, 14 korrik - Statistikat e reja të autoriteteve tregojnë se papunësia në Greqi shënoi një rekord të ri, duke shkuar në nivelin 23 për qind.

Shifra më e lartë e të papunëve regjistrohet në grupmoshën 15-24 vjeç, me 52 për qind.

34 vjeçari Mihalis humbi vendin e punës në një supermarket dy vjet më parë.

\"Ka gjithmonë shpresë, por në Greqi mund të shihni se si janë gjërat. Na duhet një Europë e fortë. Pse nuk ndjekin personat që shpenzuan paratë tona\", thotë ai.

Greqia tashmë renditet e dyta në Eurozonë pas Spanjës, përsa i përket nivelit të papunësisë.