New York, 9 prill - Zyra humanitare e Kombeve të Bashkuara është duke bërë thirrje për fonde urgjente rreth 111 milionë dollarësh amerikanë për operacionet e saj humanitare në Korenë e Veriut.

Zyra e Koordinuesit të OKB-së në Korenë e Veriut ka paraqitur kërkesë, duke thënë se paratë nevojiten me urgjencë për aktivitete humanitare në ushqim, bujqësi, shëndetësi, ujë dhe kanalizime.

Zyra humanitare e OKB-së ka përshkruar gjëndjen humanitare në Korenë e Veriut si të heshtur dhe të keqfinancuar, duke thënë se miliona njerëz kanë nevojë për financime të vazhdueshme dhe të qëndrueshme.