Prishtinë, 15 janar - Kryetari i Odës Ekonomike të Kosovës z. Berat Rukiqi, në takime të ndara në Viene me rastin e nënshkrimit të marrëveshjes mes Odave të Ballkanit Perendimor, Odës Ekonomike të Austrisë dhe Ministrisë së Punëve të Jashtme të Austrisë, për përkrahje të sektorit privat dhe avancimit të rolit të Odave Ekonomike në përfaqësimin e sektorit privat Kryetari Rukiqi takoj z. Harald Mahrer, homologun e tij nga Oda Ekonomike e Austrise.

Mes të tjerash z. Mahrer premtoi se Oda Ekonomike e Austrise, do të jetë akter kyq në proceset reformuese dhe në ngritjen e kapaciteteve të Odës Ekonomike të Kosovës dhe Odave ekonomike nga vendet tjera të regjionit, veçanerisht në fushen e arsimit profesional dhe dixhitalizimit. Z. Harald Mahrer do të vizitoj Kosovën në muajt në vijim.

Gjithashtu Kryetari Rukiqi u takua edhe me Ministren e Jashtme te Austrise, znj. Karin Kneissl. Ku diskutuan për përkrahjen ekonomike të Austrisë për Ballkanin Perendimor, përfshire edhe Kosovën, në partneritet të drejtperdrejtë me Oden Ekonomike të Kosovës.