Prishtinë, 30 maj - Sot në Prishtinë do të mbahet konferenca Rajonale e Odave Amerikane e cila këtë vit organizohet nga Oda Amerikane në Kosovë.

Konferenca Rajonale e Odave Amerikane, në të cilën do të marrin pjesë katër Oda Amerikane të rajonit si: Oda Amerikane në Shqipëri, Oda Amerikane në Maqedoni, Oda Amerikane në Malin e Zi dhe Oda Amerikane në Serbi, synon fuqizimin e marrëdhënieve ndër-rajonale, duke identifikuar së bashku rrugën drejt promovimit të denjë të potencialeve të rajonit, deri në krijimin e një strategjie efektive për tërheqjen e investimeve të huaja në rajon.