Prishtinë, 21 dhjetor - Me qëllim të inkurajimit të pagesës së rregullt të tatimeve, Oda Ekonomike Amerikane në Kosovë edhe sivjet shpërbleu tatimpaguesit më të mëdhenj në Kosovë në tri kategori për vitin 2011. Kompanitë u shpërblyen duke u bazuar në të dhënat zyrtare të tatimpaguesve.

Në këtë mënyrë Oda Amerikane ka vazhduar traditën e dhënies së mirënjohjes për kontribuuesit më të mëdhenj të buxhetit të shtetit.

Në kategorinë tatimpaguesve më të mirë me qarkullim vjetor prej 100,000 deri 1,000,000 euro u shpërblyen ndërmarrjet \"Elnor\", \"Albi Mc\", “Grant Thornton L.L.C.”, F.B.I. “TREPÇA” dhe “IMS - Refractory\".

Në kategorinë e tatimpaguesve më të mirë me qarkullim vjetor 1,000,000 deri 2,000,000 euro u shpërblyen \"Arena Engineering \", \"Banja e Kllokotit \", “Deloitte Kosova\", “Vila Gërmia\" dhe \"Newco Trofta\" ndërsa ndër tatimpaguesit më të mirë në kategorinë e bizneseve me qarkullim vjetor mbi 2,000,000 euro u zgjodhën “Coca-Cola HBC”, \"Fortesa\", \"SHARRCEM\", “Studio Moderna Kosovë\", dhe “ASSECO SEE”.

Kompanitë e shpërblyera me mirënjohjen Tatimpaguesi i Vitit, njëherit janë edhe kompanitë të cilat punësojnë numrin më të madh të të punësuarve duke ndihmuar kështu edhe në ruajtjen e mirëqenies së qytetarëve të vendit.