Prishtinë, 7 qershor - Community Building Mitrovica në bashkëpunim me Shoqatën e Grave të Mitrovicës për të Drejtat e Njeriut ka kënaqësinë organizon konferencën "Gratë ndërmarrëse si një katalizator për ndryshim – Gratë tejkalojnë ndarjen".

Konferenca mbahet në Dhomën e Konferencave në Qendrën e Kulturorës në Mitrovicë dhe perkrahet nga Programi për Zhvillim i Kombeve të Bashkuara (UNDP) në Kosovë.

Qëllimi i konferencës është që të fuqizojë gratë ndërmarrëse dhe të zhvillojë rolin e tyre në tejkalimin e ndarjes së komuniteteve, për t'i forcuar ato dhe për të maksimizuar potencialin e tyre duke mbledhur gra nga nivele të ndryshme dhe fusha si: politikë dhe të biznesit, organizatave të grave dhe OJQ-ve, universiteteve dhe agjencioneve mbështetëse ndërkombëtare së bashku me gratë lidere në komunitetet e tyre.

Po ashtu qëllim tjetë është edhe shkëmbimi i njohurive në lidhje me rolin efektiv të grave në shoqëri dhe në veçanti potenciali i tyre në kontekstin e zhvillimit ekonomik për të promovuar paqen dhe sigurinë, për identifikimin e sfidat aktuale të transformimit të mëtejshëm socio-ekonomik dhe kolektivisht të zhvillojnë në mënyrë kreative dhe praktike zgjidhjen e problemeve të identifikuara.