Paris, 28 janar - Presidenti francez Nikola Sarkozi po mbron me fanatizëm euron, megjithë shqetësimet për të ardhmen e monedhës së përbashkët evropiane.

Sot, zoti Sarkozi u tha drejtuesve qeveritarë dhe të bizneseve në Forumin Ekonomik në Davos të Zvicerës se ai dhe partnerët e tij evropianë nuk do t\'i kthejnë kurrë shpinën euros. Ai e cilësoi monedhën si pikën qëndrore të bashkimit evropian dhe tha se zhdukja e saj do të ishte sipas fjalëve të tij “kataklizmike”.

Gjermania dhe Franca kanë drejtuar mëkëmbjen ekonomike të Evropës nga recesioni global.

Por koalicioni i 17 vendeve që përdorin monedhën është goditur ndërkohë që dy vende Greqia dhe Irlanda u detyruan të pranojnë ndihma ndërkombëtare vitin e kaluar për të përballuar defiçitin në rritje të qeverisë.

Investitorët kanë shprehun shqetësim se Portugalia dhe Spanja mund të jenë në radhë për të kërkuar ndihmë.