Prishtinë, 25 shkurt -  Instituti Hidrometeorologjik i Kosovës (IHK) ka bërë me dije se nesër (e premte) do ta mbajë mot kryesisht i vranët dhe me riga shiu.

“Gjatë ditës së nesërme vendi ynë do të jetë nën ndikimin e masave të ajrit me presion të ulët atmosferik. Në këto kushte meteorologjike do të mbajë mot kryesisht i vranët dhe me riga shiu. Vlera minimale e temperaturës gjatë natës do të lëvizë nga 3-5 gradë celsius, kurse maksimalet e ditës do të lëvizin nga 9-12 gradë celsius. Shtypja atmosferike do të shënojë rënie nën vlerat e normales. Do të fryjë erë nga juglindja me shpejtësi 1-7m/s”, është thënë në njoftimin e IHK-së.