Prishtinë, 31 gusht - Ministria e Financave njofton të gjithë qytetarët e Republikës së Kosovës, respektivisht të gjithë shërbyesit civilë dhe ata që marrin pagë nga Buxheti i Konsoliduar i Kosovë, se Ministria e Financave së bashku me Bankën Qendrore të Kosovës ka bërë sot të gjitha përgatitjet për ekzekutimin e pagave për muajin gusht.

Për shkak të fillimit të vitit të ri shkollor, ekzekutimi  i pagave do të bëhet disa ditë më herët  nga ekzekutimi i rregullt i pagave. 

Ministria e Financave , ju bënë thirrje gjithë bankave komerciale që të jenë të gatshme  që  gjatë ditës  së nesërme të bëjnë ekzekutimin e pagave për të gjithë shërbyesit civil. 

Me këtë rast , Ministria e Financave të gjithë nxënësve  dhe mësimdhënësve ju uron fillim të mbarë të  vitit të ri shkollor dhe ju dëshiron suksese.