Prishtinë, 11 mars  –  Ministrja e Integrimit Evropian, Vlora Çitaku organizoi një takim të përbashkët me përfaqësuesit  e ambasadave të huaja në Kosovë, organizatat relevante, shoqërinë civile, si dhe donatorët prezent në Kosovë, për të  diskutuar    mundësinë  e përfshirjes së  grave  në biznes.

Ky takim kishte për qëllim diskutimin  lidhur me ndihmën që  mund t’u ofrohet  grave sipërmarrëse në biznes  si dhe diskutimin rreth çështjeve të cilat i preokopojnë gratë sipërmarrëse në  biznes  mundësinë për bashkpunim  edhe më të mirë.
Pjesmarrësit  e këtij takimi  u shprehën se takimet e këtij lloji janë shumë të rëndësishme me qëllim të koordinimit sa më të mirë në stimulimin  e mëtutjeshëm të përfshirjes së grave në biznes.

Ministrja Çitaku ju drejtua të pranishmëve se është jashtëzakonisht e interesuar edhe më  tutje të  ngris bashkpunimin institucional në mes  shoqërisë, për perfshirjen sa më të madhe të grave në biznes në një kohë kur  e  gjithë bota promovon emancipimin e gruas në forma të ndryshme.

Me këtë rast ministrja tha se:” Adresimi i çështjeve si pavarësia ekonomike e grave, përfshirja e tyre në trashegiminë familjare apo përfshirjes në politikë dhe vendimmarrje, kërkon përkushtim të vazhdueshëm nga të gjithë akterët relevant. Prandaj unë si Femër së pari, e pastaj si Ministre, duke u njohur me vështirësitë që mund të kalojë një grua në arritjen e një qëllimi, gjithmonë kam afruar femrat, jam munduar t’i përkrahi  në forma të ndryshme”.

Me tutje ministrja Çitaku  tha se “ nuk është e mjaftueshme vetëm një përkrahje, këto gra kanë nevojë edhe për më shumë përkrahje për të arritur në emancipimin e plotë në shoqëri dhe shumë meritor. Sidoqoftë këto përfaqësuese të rrespektuara nuk janë gjithë femrat e Kosovës, ato janë kudo dhe kudo duhet të përkrahen,mendoj se ende na presin shumë sfida për të fuqizuar gruan edhe më tutje në sferen publike të Kosovës”
                 
Nga ana e saj Znj.Astrid Green-shefe ekzekutive dhe Drejtoreshë Menagjuese e Projektit Athene Projekt-që ndihmon gartë për përfshirje active në biznes  tha se “ jam këtu për të folur për grate sipërmarrëse në biznes sidomos  atyre në Kosovë, për të koordinuar donatorët  e ndryshëm”.

Në fund Ministrja Çitaku   falenderoj të gjithë donatorët për kontributin e tyre të vazhdueshëm në fushën e barazisë gjinore, e në veçanti Bashkimin Evropian, SHBA, UNDP, UNWOMEN-in, Suedinë, Finlanden, Austrinë, etj.