Gjilan, 26 dhjetor - Ministria e Tregtisë dhe Industrisë, përkatësisht Agjencia për Investime dhe Përkrahjen e Ndërmarrjeve në Kosovë (KIESA), në bashkëpunim me komunën e Gjilanit, në kuadër të  aktiviteteve “Ditët e Biznesit të Vogël 2017”, organizon konferencë Informuese për zhvillimin e sektorit privat në Gjilan.

Në konferencë do të prezantohen planet e Qeverisë së Republikës së Kosovës dhe Komunës së Gjilanit lidhur me zhvillimin e sektorit privat dhe do të dialogohet drejtpërdrejt me bizneset e rajonit të Gjilanit të cilat do të kenë mundësi t’i paraqesin sfidat dhe kërkesat e tyre para përfaqësueseve të institucioneve qendrore dhe lokale.

Konferenca mbahet në restorant  “Vali Ranch”, në fshatin Përlepnicë të Gjilanit.