Prishtinë, 20 mars - Masat e ajrit të ardhura nga pjesa jugperendimore e vendit do të jenë të qëndrueshme  për dy ditët e para të javës. Në këtë kushte do të mbajë mot i vranet dhe me intervale kohore me diell .

Vranësirat gjate dites vende-vende parashihen të shoqërohen me riga shiu. Temperaturat minimale do të lëvizin nga 3-6 gradë Celsius, kurse maksimalet e ditës pritet të arrijnë nga 14-17 gradë Celsius. Do te fryjë erë nga jugperendimi me shpejtesi 1-9m/s.

Nga dita e merkurë deri të premten vendi ynë do të ndikohet nga fushat ciklonike të cilat vijnë nga veriu i Kontinentit. Kjo gjendje e ulët barike nën vlerat e normales do të kushtëzoj një mot jostabil dhe të paqëndrueshëm, i shoqëruar me reshje shiu ne viset e ulëta , derisa në viset malore serish pritet të ketë reshje bore.

Temperaturat minimale do të lëvizin ndermjet 1-3 gradë Celsius, kurse maksimalet e ditës pritet të arrijnë ndërmjet 7-9 gradë Celsius. Do të fryjë erë nga veriu dhe veriperendimi me shpejtesi 1-11m/s.