Romë, 13 korrik - Agjencia ndërkombëtare, Moody’s, që vlerëson aftësinë e shteteve për të kthyer borxhet, ka njoftuar se e ka zhvlerësura Italinë, për shkak të shqetësimeve se ky vend do të rrisë borxhet.

 Zhvlerësimi është bërë nga shkalla A3 në atë Baa2 dhe vjen vetëm disa orë pasi që Roma bëri përpjekje që të rrisë 5.25 miliardë euro në një ankand të obligacioneve qeveritare.

 Moody’s vlerësoi se ekonomia italiane do të pësojë tkurrje prej 2 për qind në këtë vit, gjë që do të ketë vështirësi për Italinë që të arrijë objektivat fiskalë.