Prishtinë, 6 prill - Kryeministri i Kosovës, Isa Mustafa, ka premtuar se do të zhdukë monopolet në biznes, por kjo nuk po ndodh në realitet. Kursi i qeverisjes që ka instaluar PDK-ja në çështjen e monopoleve nuk po lëviz as nën qeverisjen ‘Mustafa’.

Qeveria madje hesht kur pyetet se pse vazhdohet avazi i vjetër i monopoleve në fushën e biznesit.

Zëdhënësi i Qeverisë, Arban Abrashi, nuk është përgjigjur në pyetjet e gazetës se a po shkon qeveria ‘Mustafa’ gjurmëve të qeverive “Thaçi 1” dhe “ Thaçi 2”.

Këto dy parti që tash janë në koalicion janë sharë mes vete, por sot bashkëjetojnë për interesa të tyre, duke mos ndërruar asgjë nga qeverisjet e mëhershme.

/Kosova Sot/